ኣብ`ዚ ኣብ ዋሺንግተን ዲሲ ኣብ ዝርከብ ኢምባሲ ኢትዮጵያ ብዝተፈጸመ ተኹሲ፡ ሓላፊ ጸጥታ`ቲ ኢምባሲ ካብ`ዛ ሃገር ከምዝወጽእ ድሕሪ ምስ ተገብረ፡ ሎሚ`ውን ተወሳኺ ናይ ተቓውሞ ሰልፊ ውዒሉ።
እቲ ኣብ ኣፍደገ ሚንስትሪ ወጻኢ ኣመሪካ ሎሚ ሰሉስ ዝተኻየደ ሰልፍታት፡ ተጻራሪ ርኢቶ ዝሓዘ`ዩ።
20 ዝኾኑ ንባዕሎም ኢትዮጵያውያን ንሰላም ኢሎም ዝጽውዑ ተሰልፍቲ፡ ናይ ኢትዮጵያ ባንዴራን ጭርሖታትን ብምንብልባል፡ ኣብ`ቲ ኢምባሲ ተወሳኺ ሓለዋ ክግበር ይጽውዑ ኔሮም።
ኣቶ ሙሉ ኣሰፋ፡ ንጋዜጠኛ ቪኦኤ ፓም ዶኪንስ ክዛረብ ከሎ “መሰልና ዝተጣሕሰ ኾይኑ ይስምዓና፡ ብኣገልግሎት ጸጥታ ኣመሪካ ትኹረት ኣይረኸባናን።ነቲ ኢምባሲ ክሕልውዎ ኔርዎም ” ኢሉ።
በቲ ሓደ ወገን ኣንጻሮም ካብ ብዝተሰለፉ 15 ዝኾኑ ድማ፡ ኤልዛቤት ኣልታዬ ትብሃል ኢትዮጵያዊት “ሕወሓት ኣሸባሪ ጉጅለ ምዃኑ፡ ንኣመሪካን ንህዝቢ ኣመሪካን ንምንጋር`የ ኣብ`ዚ ተሰሊፈ ዘለኹ “ኢላ።
ፖሊስ ኣብ መንጎ ክልቲኦም ኔሩ።
ምሉእ ትሕዝቶ ኣብ`ዚ ምስማዕ ይክኣል
