ዋሽንግተን —
ኣብ ጂዳ ስዑዲ ዓረብ ተራኺቦም ዝተላዘቡ ዘለው ክልቲኦም ተዋጋእቲ ሓይልታት ሱዳን፣ ንምስላጥ ሰብኣዊ ሓገዛት ክብሉ ጊዚያዊ ምቁራጽ ተኹሲ ንምግባር ክሰማምዑ ይኽእሉ'ዮም ዝብል ተስፋ ከምዘሎ ኣመሪካዊ ዲፕሎማት ንኣባላት ቤት ምኽሪ ኣሜሪካ ሎሚ ረቡዕ ገሊጾም።
ካብ መፋርቕ ወርሒ ሚያዝያ ጀሚሩ ኣብ ዝተካየደ ውግእ 750 ሰባት ከምዝሞቱን ብኣሽሓት ዝቑጸሩ ሰባት ከምዝተፈናቐሉን’ውን እቲ ዜና ይሕብር።
ሰበ-ስልጣን ሚንስትሪ ጉዳያት ወጻኢ ኣመሪካ፣ ኣብ ሱዳን ካብ ዝተመዝገቡ 5000 ኣመሪካዊያን፣ ነቶም 1,300 ካብ’ታ ሃገር ከምዘውጽእዎም ነቶም ኣባላት ቤት ምኽሪ ገሊጾምሎም ኣለው።
ዝሓለፈ ቅነ መግለጺ ዘውጸአ ዋይት ሃውስ፣ ንርግኣት ሱዳን ዕንቅፋት ኣብ ልዕሊ ዝኾነ ሓይሊ እገዳ ከምዘንብረሉ ኣፍሊጡ እዩ።
