ዋሽንግተን —
እዚ ናይ ሓባር ልዑኻን ጉጅለ ምርመርኡ አብ ወርሒ ሕዳር ኣብ ግሪኽን መቆዶንያን ዘካየደ ክከውን ከሎን ንበይነን ወይ ምስ ቆልዑ ዝጉዓዛ ደቂ-ኣንስትዮ፡ ነብሰ-ጾራትን ዘጥብዋ፡መንእሰያትን በይኖም ዝጉዓዙ ትሕቲ ዕድመ ቆልዑ ንዝለዓለ ሓደጋ ጎነጽን ጾታዊ ዓመጽን ዝተቓልዑ’ዮም ኢሉ’ሎ።
ወሃቢ ቃል ትካል ስደተኛታት ሕ/ሃ ዊልያም ስፒንድለር ንቪኦኤ ኣብ ዝሃቦ ቃል እዚ ተርእዮ ማዕረ ክንደይ ዝውቱር ምዃኑ ንምፍላጥ ኣጸጋሚ ምኳኑ ብምግላጽ ደቂ-ኣንስትዮ አብዚ ጉዕዞ ስደተን ዘጋጠመን ተመክሮ ንምዝራብ ከምዘይደፍራ ገሊጹ ግን እዚ ዓመጽ ኣብ ልዕሊ ደቂ-ኣንስትዮ ክሳብ ሕጂ ትኩረት ዘይምርኻቡ ግን ኣይከወለን።
ንሱ ብተወሳኺ ብዙሓት ደቂ-ኣንስትዮ ግዳይ እቶም ብዙሕ ገንዘብ ዝሓቱ ዘይሕጋዊያን ኣስገርቲ ከምዝኾናን ነቲ ጉዕዞ ንምፍጻም ድማ ዘይደልይኦ ጾታዊ ርኽብ ንምፍጻም ከምዝግደዳ ከምዝገልጻ ሓቢሩ’ሎ።
ምሉእ ትሕዝቶ አብዚ ምስማዕ ይኸአል።
