ዓቃቢ ሰላም ሕቡራት ሃገራት ኣብ ኮንጎ ዘለዉ ሰራዊቱ ከውጽእ ጀሚሩ

ተልእኮ ዓቃቢ ሰላም ሕቡራት ሃገራት ኣብ ኮንጎ ዘለዉ ሰራዊቱ ከውጽእ ጀሚሩ።

ን25 ዓመታት ኣብ ደሞክራቲክ ሪፓብሊክ ኮንጎ ተዋፊሩ ዝጸንሐ ዓቃቢ ሰላም ሕቡራት ሃገራት፡ ኣብ ካማንዮላ ምብራቓዊ ኪቩ ዝነበረ መደበሩ ን ሰበ-ስልጣን`ታ ሃገር የረክብ ኣሎ።

እቲ ብእንግሊዝኛ ምሕጻረ ቃል `ሞኑስኮ` ተባሂሉ ዝጽዋዕ ዓቃቢ ሰላም ሓይሊ 15-ሺሕ ሰራዊት ዘለዎ ኮይኑ መሊኡ ክወጽእ ኣብ መንጎ ሕቡራት ሃገራትን መንግስቲ ኮንጎን ዝርርብ ክግበረሉ ዝጸንሐ`ዩ።

ከምኡ`ውን ስርሑ ብግቡእ ኣይፍጽምን ተባሂሉ፡ ብደቂ ዓዲ ውጹልና ብዝብል ተደጋጋሚ ተቓውሞታት ክግበር ምጽንሑ ይፍለጥ። ነቲ ተልእኮ ዝትክእ ሓይሊ ድማ ካብ ደቡባዊ ኣፍሪቃ ዝተዋጽኣአ ዞባዊ ሓይሊ ይዋፈር ከም ዘሎ ክግለጽ ጸኒሑ`ሎ።