መርከብ እንግሊዝ ኣብ ከባቢ ዓሰብ መጥቃዕቲ ከምዘጋጠመ ሰብ -መዚ'ታ ሃገር ሓቢሮም

በዓልመዚ ጕዕዞ መራኽብ እንግሊዝ፡ ሓንቲ ካብ መራኽቡ ኣብ መስመር ካብ ወደብ ዓሰብ 33 ማይላት ወይ ድማ 66 ኪሎ-ሜተር ርሒቓ ትጓዓዘሉ ኣብ ዝነበረት እዋን ካብ ተቓለስቲ ሑቲ መጥቃዕቲ ከም ዝተፈጸማ ኣመልኪቱ።

እቲ በዓልመዚ፡ ናብታ መርከብ ዝቐንዐ ሰለስተ ፍንጀራታት ደኣ ይንበር እምበር፡ ኣብ ልዕሊ ሰራሕተኛታትን እታ መርከብን ዝወረደ ጕድኣት ከም ዘየሎ ሓቢሩ።

ኣብ የመን ዝርከቡ ተቓለስቲ ሑቲ ብመስመር ቀይሕ ባሕሪ ንዝሓልፋ መራኽብ ተደጋጋሚ መጥቃዕቲ ይፍጽሙ ስለ ዘለዉ፡ ብዙሓት መራኽብ በቲ ዝነውሐ መስመር ጽንፊ ጽቡቕ ተስፋ ናይ ደቡብ ኣፍሪቃ ክጥቀማ ይግደዳ ኣለዋ።