ቦቢ ዋይን ብጥይት ፖሊስ ኣብ እግሩ ተሃሪሙ

መራሒ ተቓዋሚ ሰልፊ ፕረዚደንት ዩጋንዳ ዩወሪ ሙሳቨኒ ዝዀነ ብናይ መድረኽ ስሙ ቦቢ ዋይን ዝፍለጥ ህቡብ ፖለቲከኛ ብሓይልታት ፖሊስ እታ ሃገር ብጥይት ኣብ እግሩ ከም ዝተሃርመ ኣገልግሎት ዜና ፈረንሳይ ሓቢሩ።

ድሕሪ ማህረምቱ፡ ቦቢ ዋይን ናብ ሕክምና ከም ዝተወስደ እቲ ዜና ይውስኽ።

እቲ ሎሚ ሰሉስ ዘጋጠመ ፍጻመ ኣብ ቡሊንዶ ዝተባህለ ካብ ካምፓላ ኣስታት 20 ኪሎሜተር ኣብ ዝረሓቐ ናይ ማእከላይ ዩጋንዳ ስፍራ ምዃኑ እታ ፖለቲከኛ ኣብ ማሕበራዊ ገጻት ኤክስ (ናይ ቅድም ትዊተር) ኣካፊሉ።

ኣብ ማሕበራዊ መራኸቢታት ዝተዝርግሐ ምስልታት እቲ ወዲ 42 ዓመት ፖለቲከኛ ደም እናፈሰሶ ተጸይሩ ብኣባላት ሰልፉ ክወስድ የርኢ።

ሓቀኛ ስሙ ሮበርት ክያጉልያኒ ዝዀነ ቦቢ ዋይን፡ ነቲ ንኣስታት 40 ዓመታት ንዩጋንዳ ዝመርሐ ዩወሪ ሙሳቨኒ ቀንዲ ተቓዋሚ’ዩ።