ክልተ ፈረንሳዊያን ተመራመርቲ ምስ መጥቃዕቲ ቆንስል ሩስያ ዝተሓሓዝ ተኸሲሶም

ኣባላት ኤጀንሲ ምርምር ፈረንሳ ዝኾኑ ክልተ ውልቀሰባት ዝሓለፈ ሰሙን ኣብ ቆንስል ሩስያ ኣብ ከተማ ማርሰል ዘጋጠመ መጥቃዕቲ ከምዝፈጸሙ ምእማኖም ዓቃብ ሕጊ’ታ ሃገር ሓቢሩ።

እቶም ውልቀሰባት ኣብ ጉዳይ ኲናት ሩስያን ዩክሬንን ብዝተሓሓዝ ምኽንያት ነቲ ተተኳሲ ናብቲ ቆንስል ምድርባዮም ተኣሚኖም ኣለዉ።

ሰለስተ ተተኮስቲ ዝሓዙ ጠራሙዝ ናብቲ ቆንስል ምድርባዩን ክልተ ምፍንጃሩን እንተኾነ ግን ኣብ ህይወት ሰብ ጉድኣት ከም ዘይበጽሐ ይዝከር።

ሩስያ ነቲ ፍጻመ “መጥቃዕቲ ግብረ ሽበራ’ዩ” ብምባል መንግስቲ ፈረንሳ ናቱ መርመራ ከካይድ ከምኡ’ውን መርማሪ ኮሚተ እታ ሃገር’ውን ነቲ ጉዳይ ከም ዝከታተል ገሊጻ አላ።