ትራምፕ ኣብ ጉዳይ መንበሪ ፍቓድ ዘይብሎም ስደተኛታት፡ “ሃገርና ካብ ወራር ናጻ ክንግብራ ኢና”

ኣብ ደገ ዝግበር ወግዓዊ ጽንብል ቃለ-ማሕላ ናብ ውሽጢ ድሕሪ ምቕያሩ፡ ዶናልድ ትራምፕ ንኣሽሓት ደገፍቱን ካልኦት ዕዱማትን ሰንበት ምሸት ኣብ ዘስምዖ ቃል፡ ኣብ ፈላሚ መዓልቲ ምምሕዳሩ “ኣመሪካ ካብ ወራር ስደተኛታት ናጻ ክትከውን’ያ፡” ኢሉ።

ሓያሎ ፕረዚደንታዊ ትእዛዛት ንምፍራም ዝዳለው ዘሎ ትራምፕ ኣብቲ ናይ ሰንበት ካፒታል ዋን ኣሬና ዝተሰምየ ስታድዩም ዋሺንግተን ዲሲ፡ “ንግሆ ጸሓይ ክትዓርብ እንከላ፡ ሃገርና ካብ ወራር ስደተኛታት ሓራ ክትከውን’ያ፡” ኢሉ።

ትራምፕ ኣብ መደረኡ ነቲ ኣብ እዋን ጎስጓስ ምርጫ ዝኣተዎ መብጽዓ፡ ብምሉኡ ከተግብሮ ምዃኑ ደጊሙ።