ህቦቡላዊ ማዕበል በርይል ኣብ ኣመሪካ ልዕሊ ሚልዮን ኣባይቲ ብዘይ መብራህቲ ኣትሪፉ

ብሜክሲኮን ሃገራት ካሪብያንን ዝሓለፈ ህቦቡላዊ ማዕበል በርይል፡ ናብ ግዝኣት ቴክሳስ ኣመሪካ ብምጓዓዝ ኣባይቲ የዕንዩ በረራታት ኣየር ድማ ንኽዝስረዝ ድፍኢት ገይሩ ኣሎ። ሎሚ ንግሆ ናብ ህዩስተን ቴክሳስ፡ ኣብ ልዕሊ ሓደ ካብ መመንጨዊ ሓይሊ ድሕሪ ዝገበሮ ዕንወት፡ ንኣስታት ሓደ ሚልዮን ኣባይቲ ብዘይ ሓይሊ መብራህቲ ክጽንሑ ገይሩ ኣሎ።

ኣብታ ኣብ ኣመሪካ ራብዓይቲ ዝዓበየት ከተማ ምዃና እትገለጽ ህዩስተን፡ ናይ ተጠንቀቕ መልእኽቲ ተመሓላሊፉ ህዝቢ ኣብ ገዛኡ ክጸንሕ ተሓቢሩ ኣሎ።

ብሰንኪ’ዚ ህቦቡላዊ ዝናብ ኣስታት ሓደ ሽሕ በረራታት ማዕርፎ ነፈርቲ ህዩስተን’ውን ክስረዝ ምግዳዱ ኣገልግሎት ዜና ኣሶሸይትድ ፕረስ ይሕብር።