ዋሽንግተን —
ሚንስትር ጉዳያት ወፃኢ ኣሜሪካ ሬክስ ቲለርሰን ኣብ ኣዲስ ኣበባ ኣብ ዝኣተውሉ እዋን ናይ ኢትዮጵያ ሚንስትር ጉዳያት ወፃኢ ዶ/ር ወርቅነህ ገበየሁ ድሙቕ ኣቀባብላ ከምዝገበርሎም ተፈሊጡ።ኣብታ ብፀጋታት ሃብታም ዝኾነትን ኣብ ጉዳያት ንግድን ረድኤትን ምስ ቻይና እናተቐራረበትን ትኸይድ ዘላ ኣፍሪቃ ዑደቶም ንምክያድ ሎሚ ረቡዕ ኣዲስ ኣበባ ኣትዮም ኣለው።
ናይ ሩሲያ ሚንስትር ጉዳያት ወፃኢ ሰርገይ ላቭሮቭ እውን ሎሚ ረቡዕ ኣብ ኢትዮጵያ ዑደት ጀሚሮም ኣለው።
ሚንስትር ቲለርሰን ቅድሚ መገሽኦም ትማሊ ሶሉስ ከምዝገለፁዎ ኣሜሪካ ኣብ ርክባት ኣሜሪካ ኣፍሪቃን ፅኑዕ መሰረት ንምህናፅ ቅርብቲ ምዃና ብምግላፅ ቻይና ኣብታ ክፍለ ኣህጉር ፅግዕተኝነት ተተባብዕ ኣላ ክብሉ ከሲሶምዋ።
ቲለርሰን ኣብዚ ናይ ሓደ ሰሙን መገሽኦም ኣብ ሓሙሽተ ሃገራት ኣፍሪቃ ክበፅሑ እዮም።
