ኣብ ክልል ትግራይ 9-ሽሕ ተማሃሮ ናይ 12 ክፍሊ መልቀቒ ፈተና ከምዝወስዱ ተገሊጹ

እቲ ፈተና ኣብዝመፅእ ሰሙን ካብ 29 መስከረም ክሳብ 2 ጥቅምቲ 2016 ዓ.ም ከምዝወሃብ እውን ዋና ዳይሬክተር እቲ ትካል ዶ/ር እሸቱ ከበደ ንድምፂ ኣመሪካ ሓቢሮም። እቲ ካብ ሰሉስ ክሳብ ዓርቢ ኣብዘለው መዓልታት ዝወሃብ ሃገራዊ መልቀቒ ፈተና ኣብ ዩኒቨርሲታት መቐለ፣ ዓዲግራት፣ ራያን ኣኽሱምን ከምዝወሃብ ዝሓበሩ ዶ/ር እሸቱ፣ እተን ዩኒቨርሲታት ነቶም ተማሃሮ ናይ መግብን መደቀስን ኣገልግሎት ንምሃብ ምድላዋተን ከምዝዛዘማ ኣፍሊጦም። ነቲ ፈተና ዘፈፅሙ መማህራን ድማ ካብ ክልል ትግራይ ወፃኢ ካብ ዘለዋ ሸሞንተ ዩኒቨርሲታት ከምዝተመልመሉ ዶ/ር እሸቱ ወሲኾም ሓቢሮም።