መንእሰይ ድምጻዊት ሸዊት መዝገቦ፡ " ጸማእካኒ" ትብል ሓዳስ ዜማ፡ ታረቀ ብዙሕ ከምዝፈተወላ ይገልጽ። ባህላዊት ወይ ያታዊት መሰረት ዘለዋ ምዃና`ውን ይምስክር። "ኣብ`ቲ ድርብ ዘሎ ዜማን ግጥምን ግን ናተይ ስለዝኮኾነ" ክሕተት ኔሩኒ በሃላይ`ዩ።
ዜማ ይኹን ግጥሚ ክንውከስ ከለና ምንጪ ክንሕብር ናይ ስነጥበባውያን ግዴታ`ዩ ይብል ኣርቲስት ታረቀ ተስፋሂወት:
ሸዊት ብወገና፡ ኣብ ድምጻዊ ታረቀ ዘለዋ ናእዳ ልዑል ምዃኑ ትገልጽ። ነታ ዜማን ግጥምን ዝሃባ ፍስሃ ዘሪሁን ምዃኑ ብምሕባር ድማ " ናተይ ርድኢት ናይ ህዝቢ ዜማ ዝብል`ዩ" ትብል።
ክልቲኦም ስነ-ጥበባውያን፡ ንቐጻሊ ብሓባር ንምስራሕ ዘለዎም ክቱር ድልየት ብምግልላጽ ከኣ ብፍቕሪ ተፈላልዮም።
