ክርከብ ዝኽእል መራኸቢታት

ሰበስልጣን ሽወደን ኤርትራዊ ምዃኑ ዝእመነሉ ዲፕሎማት ክወጽእ ሓቲቶም


Tekle Mengistu

ኣብ ሽወደን ኣብ ዝርከብ ኢምባሲ ኤርትራ ከም ሓላፊ ኮማውን ውድባውን ጉዳያት ኮይኑ ዝሰርሕ ዝነበረ ኣቶ ተኽለ መንግስቱ ኣብ 48 ሰዓታት ካብ`ታ ሃገር ክወፅእ ተነጊርዎ`ሎ። ዛጊድ ወጺኡ ይኸውን።

ከም ሓበረታ እሙናት ምንጭታት፡ ስለምንታይ ክወጽእ ከምዝተነግሮ ንዕኡ`ውን ዝተዋህቦ ምኽንያት የለን።

ንቪኦኤ ክፍሊ ትግርኛ ቃለ-መጠይቕ ዝሃበት ኣብ ሚንስትሪ ወጻኢ ሽወደን ሓላፊት ኮሚኒኬሽን Charlotta Ozaki Macias," መንነት `ቲ ዲፕሎማት ኮነ ሃገሩ ኣይንዛረብን ኢና " ኢላ። ስለምንታይ ንዝብል ሕቶ ድማ " ምኽንያቱ ነቲ ኩነታት ክነጋፍሖ፡ ወይ ነቲ ርክባት ክነጋድዶ ኣይንደልን ኢና " ኢላ።

ሰበ-ስልጣን ሽወደን፡ ሓደ ናይ ወጻኢ ዲፕሎማት ካብ ሃገር ክወጽእ ሓቲትና ካብ ምባል ሓሊፎም ፡ ስለምንታይ መንነት`ቲ ዲፕሎማት፡ ወይ፡ ምኽንያት መስጎጒ ክገልጹ ዘይደለዩ ብሩህ ኣይኮነን

XS
SM
MD
LG