ኣመሪካ ንሱዳንን ጎረባብታ ሃገራትን 172 ሚልዮን ዶላር ዝዋግኡ ሰብኣዊ ሓገዝ ከምትህብ ኣፍሊጣ

ኣመሪካ በቲ ኣብ ኸም ሱዳንን ካልኦት ጎረባብቲ ሃገራትን ዝቅፅል ዘሎ ሰብኣዊ ቅልውላው ንዝተጎድኡ ዝውዕል ተወሳኺ 172 ሚልዮን ዶላር ሰብኣዊ ሓገዝ ከምእትህብ ትማሊ ሰሉስ 20 ሰነ ኣፍሊጣ ክብል ሮይተርስ ሓቢሩ።

ብመሰረት መግለፂ ሚኒስተር ጉዳያት ወፃኢ ኣመሪካ ኣንቶኒ ብሊንከን “በዚ ሓገዝ ገንዘብ ኣመሪካ ንሱዳንን ጎረባብቲ ሃገራት ቻድ፣ ግብፂ፣ ኢትዮጵያ፣ ደቡብ ሱዳንን ሪፐብሊክ ማእከላይ ኣፍሪቃን ድልየት ስደተኛታት ንምምላእን ንተመዛበልቲ ውሽጥ ሃገርን ጉዱኣት ኲናትን ዝውዕል ልዕሊ 550 ሚልዮን ዶላር ሰብኣዊ ሓገዝ” ከምትህብ ሓቢሮም።