ሓድሽ ቀዳማይ ምኽትል ፕሬዝዳንት ደቡብ ሱዳን ታባን ደንግ ጋይ ሃገሮም ድሕሪ ኣብ ቀረባ እዋና ኣብ ዋና ከተማ ዝተፈጥረ ግጭት ብሰላምን ህድኣትን ትቕፅል ኣላ ኢሎም።
ምስ ናይ ኬንያ ፕሬዝዳንት ኡሁሩ ኬንያታ ንምዝርራብ ኣብ ናይሮቢ ዝርከቡ ደንግ ሎማዕንቲ ረቡዕ ንጋዜጠኛታት ኣብዝሃብዎ መግለፂ ኣብ ጁባን ካልኦት ከባቢታትን ውግእ ከምዝቐፀለ ናይ ሓሶት ፀብፃቡ የቕርቡ ኣለው ክብሉ ንጋዜጠኛታት ኸሲሶም። ከምኡ ዝበለ ፀብፃብ ካብ ሓቂ ዝረሓቐ እዩ ኢሎም።
ሪያክ ማቻር ኣብ ዝሓለፈ ወርሒ ኣብ ዋና ከተማ ውግእ ተወሊዑ ካብ ጁባ ምስ ወፁ ደንግ ምኽትል ፕሬዝዳንት ብምዃን ተተኪኦም፤ገለ ኣባላት ተቓዋሚ ግን ዘይሕጋዊ ኢሎም ኣለው።
