ሶማልያ - ኣስታት 71-ሽሕ ሰባት ብደርቂ ከምዝሞቱ ትካላት ሕ/ሃ ኣፍሊጦም

ኣብ ሶማልያ ኣብ’ዘን ዝሓለፋ ክልተ ዓመታት ልዕሊ 71-ሽሕ ሰባት ብሰንኪ ደርቂ ከምዝሞቱ ትካል ህጻናት ሕ/ሃን ውድብ ጥዕና ዓለምን ብሓባር ኣብ ዝዘርግሕዎ ሪፖርት ገሊጾም።

እቲ ሰሉስ ዝተዘርገሐ ሪፖርት ኣስታት 40 ሚእታዊት ግዳያት ትሕቲ ሓሙሽተ ዓመት ዝዕድሚኦም ቆልዑ ምዃኖም’ውን ይሕብር።

እቲ መጽናዕቲ ትካል ህጻናት ኣድሕን ሕቡራት ሃገራትን ውድብ ጥዕና ዓለምን ምስ ኣብ ለንደን ዝመደብሩ ትካል መጽናዕቲ ኢምፐርያል ኮሌጅ ተሓባቢሮም ከምዘዳለውዎ’ውን ዝመጸና ዜና ገሊጹ።

እዚ ከምዚ'ሉ ከሎ፣ ሕቡራት ሃገራት ነቶም ንደርቂ ተቃሊዖም ዘለው ንምሕጋዝን 1.43 ቢልዮን ዶላር ንምትእኽኻብን ይሰርሕ ከምዘሎ ኣፍሊጡ ኣሎ።