ኣብ ከተማ ሞቃዲሾ ብዘጋጠመ መጥቓዕቲ ነታጉ ሸሞንተ ሰባት ሞሟቶምን ኣርባዕተ ድማ ቆሲሎም

ጋዜጠኛ ድምጺ ኣሜሪካ ካብቲ ቦታ ኣሕመድ ሓሰን ኦላድ እቲ መጥቓዕቲ ንዋበሪ መደበር ፖሊስን ነቲ ንጥፈታት ዝበዝሖ ጎደና ማካ ኣል ሙካራማህ ዒላማ ዝገበረ ምኳኑ ሓቢሩ።

ኣብ እዋን እቲ መጥቓዕቲ ኣብቲ ከባቢ ዝነበረ ኣሕመድ ሓሰን ኦላድ ቶያታ ዝዓይነታ መኪና ብፍጥነት ናብቲ መደበር ፖሊስ ኣቢላ ክትጉዓዝ ምርኣዩ ገሊጹ’ሎ።

ነቲ መጥቓዕቲ ክሳብ ሕጂ ሓላፍነት ዝወሰደ አካል የለም እንተኾነ ግን ጥሩፍ ጉጅለ አልሸባብ ኣብቲ ከባቢን ኣብ ህንጻታት መንግስትን ተደጋጋሚ መጥቓዕቲ ከኻይድ ምጽንሑ ይፍለጥ።

ቅድሚ ክልተ መዓልቲ አልሸባብ ኣብ ሓደ ህንጻ ብዘኻየዶ መጥቓዕቲ 10 ሰባት ምቕታሎም ይፍለጥ።