ሕ/ኣውሮጳ ንዶ/ር ዳንኤል በቀለን ያሬድ ሃይለማርያምን ሓዊሱ ንሸሞንተ ሰባትን ሽልማት ሹማ ይህብ

ሕብረት ኣውሮጳ ንኢትዮጵያዊያን ዶ/ር ዳንኤል በቀለን ያሬድ ሃይለማርያምን ሓዊሱ ንሸሞንተ ሰባትን ትካላትን ሽልማት ሹማን ኣበርኪቱሎም።

ኣብ ኢትዮጵያ ንፈለማ ጊዜ ዝተዋህበ ሽልማት ሹማን፣ ንሰብኣዊ መሰላት፣ ዲሞክራሲ፣ ልዕልና ሕጊ፣ ምክእኣልን ማዕርነትን ኣበርክቶ ንዝገበሩ ሰባት ዝዋሃብ ሽልማት እዩ።

ምስ ክልቲኦም ተሸለምቲ ኣስማቶም ተጠቂሱ ዘሎ፣ ኣደ-መንበር ማሕበር ደቂ ኣንስትዮ ጋሪ ኢስማኤል የሱፍ ሆርሙድ፣ መስራቲ ሊግ ሰብኣዊ መሰላት ቀርኒ ኣፍሪቃ ጌቱ ሳቃጣ፣ መስራቲ ማእከል ባህሊ ፈንዲቓ መላኩ በላይ፣ ኣቦ መንበር ተሓላቂ ከባቢ መልካሙ ኦጎን ማሕበር ደቂ ኣንስትዮ ሰብ ሞያ ሕጊን’ዮም።

ሽልማት ሹማን፣ ብስም ፈረንሳዊ ፖለቲካዊ ሮበርት ሹማን ዝተሰየመ ምኻኑ ዝረኸብናዮ ዜና ይሕብር።