ዋሽንግተን —
ፕረዚደንት ሩዋንዳ ፖል ካጋሜ ካብቲ ኣንጻሮም ክልተ ተወዳደርቲ ጥራይ ክቀርቡ ዝተፈቅደሉ ውድድር ምርጫ ዛጊት ብዝተቆጽረ ውጽኢት 99.15% ብምዕዋት ንራብዓይ ናይ መዝነት ጊዜ ይዳለው ኣለው።
ውጽኢት'ቲ ናይ ትማሊ ሰኑይ ዝተኻየደ ምርጫ ካጋሜ ከም ዝዕወቱ ኣየጠራጥርን'ዩ ኔሩ። ካጋሜ ንዝሓለፋ 30 ዓመታት ብትሪ ሓጺን ነታ ሃገር ኣብ ምምራሕ ይርከቡ::
እቲ ምሃብ ድምጺ ምስ ኣብቅዐ ድሕሪ 7 ሰዓታት ብዝወጸ ከፊል ውጺኢት 99.15% ድምጺ ካጋመ ከምዝረኸቡ ኣርእዩ'ሎ። እዚ ካብቲ ቅድሚ ሸውዓተ ዓመታት ዝነበረ ውጺኢት 98.79% ዝዛየደ ኮይኑ'ሎ።
66-ዓመት ዝዕድሚኦም ካጋሜ ካብ ቀንዲ ቤት ጽሕፍት ፓርቲኦም ግንባር ሓርበኛታት ኮይኖም ኣብ ዘስምዕዎ መደረ ሩዋንዳውያን ተወሳኺ ሓሙሽተ ዓመታት እዋን ስልጣን ስለዝሃብዎም ኣመሲጊኖም።
ቅጥዒ