ኣብ ኤምባሲ ኣመሪካ ኣብ ዒራቕ ዝተፈጸመ መጥቃዕቲ ጉድኣት ከምዘይወረደ ሰብ-መዚ ገሊጾም

ኣብ ልዕሊ ኣብ ከተማ ባቕዳዲ ዒራቕ ዝርከብ ኤምባሲ ኣመሪካ ዝተፈጸመ ደብዳብ ተወንጫፊ ዘውረዶ ጉድኣት ከምዘየለ ሰበ ስልጣን ኣመሪካን ዒራቕን ገሊጾም።

ውግእ እስራኤልን ሓማስን ቅድሚ ክልተ ኣዋርሕ ካብ ዝውላዕ ንደሓር ነቲ ተወንጫፊ ከምዝተኮሱ ሓላፍነት ዝወሰዱ ኢራን ትሕግዞም ዕጡቓት፣ ኣብ ልዕሊ ኣብ ኢራንን ሶርያን ወፊሮም ዘለው ወትሃደራት ኣመሪካ ብርክት ዝበሉ መጥቃዕታት ኣብ ምፍጻም ይርከቡ።

ኣብ ዒራቕ ዝርከብ ኤምባሲ ኣመሪካ ኣብ ማእከል ሓያል ሓለዋ ዝግበረሉ ዞባ እዩ ይርከብ።

ሓደ ዒራቓዊ በዓል ስልጣን ኣብ ዝሃቦ ርእይቶ ሎሚ ዓርቢ፣ 14 ተወንጨፍቲ ናብ’ቲ ኤምባሲ ከምዝተተኮሱን፣ ሓደ ሮኬት ጥራሕ ኣብ ጥቃ ማዕጾ’ቲ ኤምባሲ ከምዝዓለበን ጠቂሱ ኣሎ። ኣመሪካዊ ወትሃደራዊ በዓል ስልጣን ብወገኑ ተወንጫፊ፣ ንኣብያተ ጽሕፈት፣ ኣመሪካ ትመርሖም ሓይልታት ጥምረት ከምዝወቅዐ ንኣሶሴትድ ፕረስ ገሊጹ።