ኣስመራ —
ንእሰይ ተቐዳዳማይ ሃገራዊት ጋንታ ኤርትራ ዘመንፈስ ሰሎሞን፡ ብሓፈሻዊ ውጽኢት ጎብለል ዙር ኤርትራ 2017፡ ኣንበሳ ዓቐብን፡ ብሉጽ ተቐዳዳማይን ብምዃን፡ ቀጠልያ፡ ቀይሕ ዝነጠብጣቡ ማልያን ጻዕዳ ማልያን ብምሽላሙ ሕልፊ ኩሎም ደሚቑ ወጺኡ።
ብሓፈሻዊ ውጽኢት ድማ፡ ምስ ጀርመናዊት ጋንታ ባይክ-ኤይድ ዝስለፍ ሜሮን ተሾመ ተሸላሚ ቐጠልያ ማልያ ኮይኑ ተዓዊቱ`ሎ።
ብደረጃ ጋንታ ድማ ጋንታታት ኤርትራ ካብ ቀዳማይ ክሳብ ሳልሳይ ኮይነን ተዓዊተን ኣለዋ። ኣብ`ቲ ብቐዳም ካብ ባጽዕ ናብ ኣስመራ ዝተኻየደ ውድድር፡ ሩዋንዳውያን ተቐዳደምቲ ካልኣይን ሳልሳይን ብምዃን ምዕዋቶም ተጠቃሳይ ኔሩ።
ኣብ`ዚ ብኣላይነት ፖርቹጋላዊት ኮሚሽነር ዩ.ሲ.ኣይ ኤዛበላ ፈርናንደዝ ዝተኻየደ ውድድር፡ ካብ ሩዋንዳ፡ሱዳን፡ኬንያ፡ ደቡብ ኣፍሪቃ፡ጣልያን፡ ጀርመንን ኔዘርላንድስን ዝመጻ ጋንታታት ተሳቲፈን ኔረን።
ምሉእ ትሕዝቶ ጸብጻብ ኣብዚ ምስማዕ ይክኣል።
