ብሕ/ኣውሮጳ ዝምወል መስርሕ ምውጻእ ስብርባር መርከብ ነዳዲ ምቁራጹ ተገሊጹ

ብሕብረት ኣውሮጳ ዝምወል ስራሓት ምድሓን ስብርባር ኣብ ቀይሕ-ባሕሪ ዘላ መርከብ ነዳዲከም ዘቋረጾ ትማሊ ሰሉስ ኣፍሊጡ። እታ ኣስታት ሓደ ሚልዮን በርሚል ዝዕቀን ነዳዲ ጽዒና ኣብ ቀይሕ-ባሕሪ፡ ብደባይ ተዋጋእቲ ሑቲ ዝተሃርመት መርከብ፡ ዋንነታ ናይ ግሪኽ ኰይና ብ21 ነሓሰ’ያ በቶም ተቓለስቲ ተሃሪማ።

እቲ ተልእኾ፡ ነታ መርከብ ንምውጻእን ካብ ላሕኲ ነዳዲ ንምድሓን ዝግበር መስርሕ ውሑስ ኰይኑ ስለ ዘየረኸቦ ከቋርጾ ከም ዝወሰነ ትማሊ ሰሉስ ብጽሑፍ ኣብ ዝሃቦ መግለጺ ኣፍሊጡ።

በዚ ንሓያሎ ተሓለቕቲ ኣከባቢ ኣሰንቢዱ ዘሎ ተግባር፡ እታ መርከብ ካብቲ ጽዒናቶ ዘላ ነዳዲ ናብ ባሕሪ ክልሑኽን ዝኸፍአ ብከላ ከምጽእን ዓቢ ተኽእሎ ኣሎ። እቶም ዕጡቓት ሑቲ ኣቐዲሞም ንስለ ድሕነት ኣከባቢ ኢሎም ነታ መርከብ ንምውጻእ ኣብቲ ከባቢ ምቍራጽ ተጻብኦ ክግብሩ ምዃኖም ኣመልኪቶም ነይሮም’ዮም።