ዋሽንግተን —
ሎሚ ንጉሆ ተማሃሮ ዩኒቨርስቲ ኣዳማ ኣብ ዙሪያ ኣዲስ ኣበባ ማስተር ፕላን ኣዲስ ኣበባ ብምቅዋሞም ሰልፊ ምክያዶም ሓደ ተማሃራይ ንድምጺ አሜሪካ ገሊጹ’ሎ።
እቲ ተማሃራይ ብተወሳኺ ብዛዕባ’ቲ አብቲ ዩኒቨርሲቲ ዝነበረ ኩነታት ከምዚ ኢሉ’ሎ። ‘ኣብ ዩኒቨርስቲ ኣዳማ ሎሚ መዓልቲ ዓብዪ ረብሻ ነይሩ።ፖሊስ ብዘይተፈልጠ ኩነታት ናብ ቀጽሪ’ቲ ዩኒቨርሲቲ ሰይሮም ብምእታው ንተማሃሮ የባርሩ ነይሮም።ጥይትን ዘንብዕ ጋዝን ብምትዃስ ንተማሃሮ ይብትኑ ነይሮም ምክንያቱ ድማ ጉዳይ መንነት፣ጉዳይ መሬትን ማስተር ፕላንን እዩ ነይሩ።’
ካብ 150 ንላዕሊ ዝኾኑ ተማሃሮ ምእሳሮም ዝገለጸ እዚ ስሙ ክግለጽ ዘይደለየ ተማሃራይ ንሱ ዝፈልጦም ኣሽማት ዘርዚሩ።
ምሉእ ትሕዝቶ ጸብጻብ አብዚ ምስማዕ ይኸአል።
