ዋሽንግተን ዲሲ —
ኢትዮጵያ ኣባል መስረቲ ሃገራት ሕቡራት ሃገራት ምኻና ዘኩርዕ’ዩ ዝበሉ ቀ/ሚ ኃይለማርያም፣ብስራሕቲ እቲ ናይ ሽዑ ሊግ ኦፍ ነሽንስ ሕጉስቲ’ኻ እንተዘይነበረት፣ ኢትዮጵያ ብዓለም-ለኻዊነት ትኣምንን ንመትከላት ሕቡራት ሃገራት ትድግፍን ሃገር’ያ ኢሎም።
ኣቃውማ ሕ/ሃ ብሓፈሻ ብፍላይ ኣቃውማ ቤት ምኽሪ ጸጥታ ንዓለም-ለኻዊ ኩነታት ብዘንጸባርቅ ኣገባብ ንክማዓራረ’ውን ጸዊዖም።
መራሒ ኡጋንዳ ፕረዚደንት ዩወሪ ሙሰቨኒ ብወገኖም ’70 ዓመታት ድሕሪ ምስረታ ሕ/ሃ፣ ንመሰረታዊ መትከላት ሕ/ሃ ብዝጻባእ መንገዲ ይራኣይ ዘሎ ዘይማዕርነት ኣብ ሞንጎ ኣባል ሃገራት ክትጻወሮ ዘይትኽእል’ዩ ኢሎም።
‘ስራሕቲ ዓለም-ለኸ ሰላምን ጸጥታን፣ ብጠንቂ’ቲ ኣብ ኣፍሪቃ ብፍላይ ድማ ኣብ ምብራቅ ኣጓኒፎም ዘለው ብድሆታት ኣብ ሓደጋ ይወድቅ ኣሎ’ ኢሎም ናይ ኬንያ ፕረዚደንት ኬንያታ።
