ዋሽንግተን —
ስለስተ ቀንዲ ሃይማኖታት ዓለም ዝርከባሉ ሰለስተ ሃገራት ስዑዲ ዓረብ፣እስራኤልን ቫቲካንን ፕረዝደንት ትራምፕ ዑደት ካብ ዘካየዱለን ሃገራት ገሊአን እየን።
ፕረዝደንት ትራምፕ ብዛዕባ መገሽኦም ዝምልከት ኣብዚ ሰሙን እዚ ኣብዘስምዕዎ መደረ ከምዚ ኢሎም።
“ንድሕነት፣ፀጥታን ረብሓታትን ህዝቢ ኣሜሪካ ቀዳምነት ስለዝህብ ንዝፀንሐ ሽርክነትና ንምሕያል ሓደሽቲ ምሕዝነት ክፈጥር እየ።”
ፕረዝደንት ዶናልድ ትራምፕ ኣብ ናይ 2016 ዓ.ም ወፍሪ ምርጫ ኣብ ልዕሊ ስዑዲ ዓረብ ዝተዛረብዎ ነቐፌታ፣ስደተኛታት ኣመንቲ እስልምና ናብ ኣሜርካ ንከይኣትው ደው ከብሎ እየ ፡ ብግዚያውነት ክእግድ እየ ምባሎም ኣብ ልዕሊ እምነት እስልምና ፅልኢ ኣለዎም ተባሂሎም ኽንቐፉ ጸኒሖም እዮም።ይኹን እምበር ሎሚ ስዑዲ ዓረብ ፈላመይቲ መዕረፊ ናይ ወፃኢ መገሽኦም ገይሮምዋ ኣለዋ።
