ሃቫና —
ፕረዝዳንት ኦባማ ኣብ ናይ ካልኣይ መዓልቲ ታሪኻዊ ዑደቶም ኣብ ነጻነት ኩባ ሓርበኛ ኣብ ዝነበረ ሓውልቲ ሆዜ ማርቲ ዕንበባ ኣምቢሮም።
ፕረዝዳንት ኦባማ ትማሊ ሰንበት ኣብ መዕረፎ ነፈርቲ ሆዜ ኣብ ዝኣተውሉ ጊዜ ፕረዝዳንት ካስትሮ ኣይተቐበሉዎምን።ኦባማ ኣብ ውሽጢ 90 ዓመታት ኣብ ኩባ ዑደት ዝፈጸሙ ናይ መጀመርያ ፕረዝዳንት ኮይኖም ኣለው።
ፕረዝዳንት ኦባማ ትማሊ ምስ ሰራሕተኛታት ኤምባሲ ኣሜሪካ ኣብ ዝተራኸብሉ እዋን ከምዚ ኢሎም።
‘ንፈለማ ግዜ ነፋሪት ፕረዝደንት ኣሜሪካ ኣብ ኩባ ዓሪፋ።ኣብዚ ታሪኻዊ ዑደት ንመጀመሪያ ግዜ ዝተራኸብኩ ምሳኹም እዩ።ንቀጥታዊ ጽምዶ ህዝቢ ኩባ ታሪኻዊ ኣጋጣሚ እዩ።ሓደሽቲ ስምምዓትን ውዕላትን ንግዲ ብምግባር ኣብ መንጎ ክልቲኡ ህዝብታት ሓድሽ ምትእስሳር ምፍጣርን እዩ።መጻኢ እዋን ብሩህ ምዃኑ ራእየይ ዘንብረሉ ኣጋጣሚ’ውን እዩ።’
ፕሬዝዳንት ኦባማ ምስ ተሓለቕቲ ሰብኣዊ መሰላት ሓዊሱ ምስ ኣባላት ስቪል ማሕበረሰብ ኩባ ክራኸቡ እዮም።
ምሉእ ትሕዝቶ ኣብዚ ምስማዕ ይክኣል።
