ዋሽንግተን —
ኣቡን ጆርጅ ፐል ኣብ ቫቲካን ንጋዜጠኛታት ኣብ ዝሃብዎ መግለጺ: ነቲ ክሲ ከምዘይወዓልዎን እዚ ድማ ብዘይምስልካይ ኣብ ማዕከናት ዜና ዝካየድ ዘሎ ጸለመ መንነት ምዃኑ ብምጥቃስ: ናብ ኣውስትራልያ ተመሊሶም ኣብ ልዕሊኦም ንዝተመሰረተ ክሲ ክምጒቱ ምዃኖም ብተወሳኺ ገሊጾም።
ወሃቢ ቃል ቫቲካን ግረግ በርክ ብወገኑ: ርእሰ ሊቃነ ጳጳስ ካቶሊካዊ ቤተ ክርስትያን ጳጳስ ፍራንሲስ: በዚ ዜና ዝተሰምዖም ሓዘን ብምግላጽ ንኣቡን ፐለ ነብሶም ክከላኸሉ ፍቓድ ከምዝሃቡዎም ሓቢሩ።
ፖሊስ ኣውስትራልያዊት ግዝኣት ቪክቶርያ: ንኣቡን ፐለ ብኽሲ ጉዳይ ጾታዊ ዓመጽ መጸዋዕታ ድሕሪ ምቕራቡ፥ ኣቡነ ፐለ ዝመጽእ ወርሒ ናብ ኣውስትራልያ ከምርሑ ምዃኖም ተገሊጹ ኣሎ።
