ክርከብ ዝኽእል መራኸቢታት

ፕረዝደንት ባራክ ኦባማ ንዳኛ መሪክ ጋርላንድ ዳኛ ላዕለዋይ ቤት ፍርዲ ክኾኑ ሎሚ ረፍዲ ረቁሖሞም


ፕረዝደንት ኦባማ ንዳና መሪክ ጋርላንድ ኣብ ዝረቑሕሉ እዋን

ፕሬዝዳንት ባራክ ኦባማ ብሞት ዳኛ ኣንቶኒን ስካሊያ ዝጎደለ ጠቕላሊ ቤት ፍርዲ ንምምላእ ዳኛ ሰማዒ ይግባይ ቤት ፍርዲ ፊደራል ንዝኾኑ መሪክ ጋርላንድ ረቁሖሞም። ብሪፓብሊካዊያን ዝዕብለል ሰኔት ኦባማ ምስ ዝሓጸዩዎ ሰብ ኣይክንራኸብን ድምጺ’ውን ኣይክንህበሉን ኢና ኢሉ’ሎ።

ፕሬዝዳንት ኦባማ ኣብ ዋይት ሃውስ ነቲ ምርቋሕ እዞም ዳኛ ወግዓዊ ኣብ ዝገበርሉ እዋን ጋርላንድ በሊሕ ናይ ሕጊ ፍልጠት ዘለዎም ሰብ እዮም ኢሎምዎም።

‘ነዚ ኣድካሚ መስርሕ ወዲአ ሎሚ መዓልቲ ኣብ ውሳነ በጺሐ ኣለኹ።ንሕጸ ኣቕሪበዮ ዘለኹ ብብዙሓት ተቐባልነት ዝረኸበ ናይ ኣሜሪካ በሊሕ ናይ ሕጊ ፍልጠት ዘለዎ ሰብ ብምዃኑ ጥራሕ ከይኮነስ ምቕሉልነት፣ቅንዕና፣ትሕትናን ዓብዪ ክእለትን ናብቲ ስራሕ ሒዙ ዝመጽእ ዘሎ ሰብ እዩ።’

ለዘብተኛ መርገጺ ከምዘለዎም ዝዝረበሎም ወዲ 63 ዓመት ጋርላንድ ዋና ዳኛ ናይ ዩናይትድ ስቴትስ ሰማዒ ጥርዓን ኮይኖም ኣብ ምስራሕ ይርከቡ።

ሓድሽ ዝሽወም ዳኛ ናይቲ ቤት ፍርዲ ስነ ሓሳባዊ ኣመለኻኽታ ወይ ኣይዶሎጂ ናብ ለዘብተኛ ወይ ዓቃባዊያን ከመዝን ስለዝገብር እዩ እቲ ሽመት ዘሰሓሕብ ዘሎ።ፕሬዝዳንት ኦባማ ኣብ ናይ መወዳእታ ናይ ስልጣን ዓመቶም ስለዝርከቡ ንዝጎደለ ዳኛ ክመልእ ዘለዎ እቲ ዝቕጽል ዳኛ ክኸውን ኣለዎ’ውን ይብሉ ሪፓብሊካዊያን።

ምሉእ ትሕዝቶ ኣብዚ ምስማዕ ይክኣል።

XS
SM
MD
LG