ፕረሲደንት ኦባማ ካብ ዝመጽእ ወርሒ ጀሚሮም ካብ ኣፍጋኒስታን ወተሃደራቶም ከውጽኡ ከምዝጅምሩ ኣፍሊጦም

ኣብ ኣፍጋኒስታን ኣብ`ዚ እዋን`ዚ 100 ሺሕ ወተሃደራት ኣመሪካ ኣለዉ። ኩናት ኣፍጋኒስታን ዳርጋ 10 ዓመት ጌሩ`ሎ።

ምኽንያት ምውጻእ ሰራዊት ክገልጹ ኸለዉ፡ ሓይልታት U.Sን ኔቶን ኣብ ልዕሊ ጣሊባን ዝያዳ ሓይሎም ስለዝወጹ`ዩ ኢሎም። “ወተሃደራትና ብቐጻሊ ኣብ ነውጽኣሉ እዋን፡ ሓይልታት ኣፍጋኒስታን ሓላፍነት እናተረከቡ ክኸዱ`ዮም”።

ኣብ ኣፍጋኒስታን ዝርከቡ ወተሃደራት ኣመሪካ ክሳብ 2014 ጠቕሊሎም ክወጹ`ዮም።

ፕረዚደንት ኦባማ ነዚ ምውጻእ ሰራዊት ዘፍልጡ ዘለዉ፡ ኣብ ውሽጢ U.S ብሰንኪ ዘሎ ኤኮኖሚያዊ ጸገማት፡ ኣንጻር`ቲ ኣብ ኣፍጋኒስታን ዝካየድ ኩናት ዘሎ ስምዒት እናሓየለ ኣብዝኸደሉ ዘሎ እዋን`ዩ።