ኣብ ኡጋንዳ ብዘጋጠመ ምህማም መሬት 13 ሰባት ሞይቶም

ኣብ ምብራቃዊ ኡጋንዳ ብዘጋጠመ ምህማም መሬት ክሳብ ሕጂ ብዝተፈልጠ 13-ሰባት ምሟቶምን 40 ኣባይቲን ሽዱሽተ ቑሸታትን ከምዝተደበዩንን ተገሊጹ። ማሕበር ቀይሕ መስቀል ኡጋንዳ ሎሚ ሓሙስ ከምዘፍለጦ 13-ሬሳታት ከምዝተረኽበን ፃዕርታት ህይወት ምድሓን ቀፂሉ ከምዘሎን ሓቢሩ'ሎ።

መሓውራት ዜና’ቲ ከባቢ ሰበ-ስልጣን ቁጽሪ ዝሞቱ ሰባት ክሳብ 30 ክበፅሕ ይኽእል’ዩ ክብሉ ስግኣቶም ምግላጾም ሓቢረን ኣለው።

እቲ ምህማም መሬት ዘጋጠመ ትማሊ ረቡዕ ለይቲ ኣብታ ኣብ በሪኽ ቦታ ዘላ ወረዳ ቡላምቡሊ ብርቱዕ ዝናብ ድሕሪ ምህራሙ’ዩ። ኣብቲ ከባቢ ምህማም መሬት ኩሉ ግዜ ዘጋጥም ፍፃመ ምዃኑ’ውን ተገሊጹ’ሎ።

ሓደ ጋዜጠኛ ካብቲ ከባቢ እቲ መንገድታት ብጭቃ ስለዝመልአ ንሰራሕ ህይወት ምድሓንን ምብፃሕ ሓገዝን ኣፀጋሚ ጌርዎ ከምዘሎ ንንኣሶሸይትድ ፕረስ ሓቢሩ።