ክርከብ ዝኽእል መራኸቢታት

ንድምጺ ኣሜሪካን ካልኦት ትካላት ፈነወ መንግስቲ ኣሜሪካን ብሓዲሽ ኣወዳድባ ዝሰርዕ ሓዲሽ ሕጊ ወጺኡ


በዚ ሓድሽ ዝወጸ ሕጊ መሰረት እቲ ንድምጺ ኣሜሪካ ዘመሓድር ዝነበረ ቢቢጂ ብዝብል ናይ እንግሊዝኛ ምሕጻረ-ቃል ዝፍለጥ ቦርድ ምምሕዳር ፈነወ፡ ብሓደ ትሕት ዝበለ ኣማኻሪ ቦርድ ክትካእ`ዩ።

እቲ ብባይቶ ኣሜሪካ ዝሓለፈን ኣብ ቀረባ ብፕረዚደንት ባራክ ኦባማ ብፊርማ ክጸድቕ ትጽቢት ዝግበረሉ ዘሎን ሓዲሽ ሕጊ፡ ኩለን ትካላት ዓለም-ለኻዊ ፈነወታት ኣብ ትሕቲ ሓደ ሓያል ዋና ሓላፊ ከምዝጥርነፋ ዝገብር`ዩ።

ድሕሪ ሎሚ ዝሽየሙ ዋና ሓለፍቲ ድምጺ ኣመሪካ ድማ፡ በቲ ቦርድ ምዃኑ ተሪፉ ብፕረዚደንት ኣሜሪካ ብቐጥታ ዝምዘዝን ብሰነት ማለት ብባይቶ መወሰኒ ሕጊ ዝጸድቐሉን ክኸውን`ዩ።

ነቐፍቲ`ዚ ሓዲሽ ሕጊ ብወገኖም፡ ቢቢጂ ንናጽነት ሞያ ጋዜጠኝነት ኣብ መንጎ ከም መንደቕ ኮይኑ ዘገልግል ዝነበረ`ዩ- ስለዚ ንዕኡ ምልጋሱ ንዘይሻራነት መራኸቢ ብዙሓን ክጎድኦ ይኽእል`ዩ ይብሉ።

ዋና ደጋፊ `ዚ ሓዲሽ ሕጊ -ሪፓብሊካን ኢድ-ሮይስ፡ ኣብ ቢቢጂ ዝግበር ዘሎ ለውጢ፡ ጽቡቕ `ዩ ደንጉዩ `ኳ ይብል።

ብፕረዚደንት ኦባማ ተመዚዙ ዝነበረ ኣባል ቦርድ ምምሕዳር-ቢቢጂ-ዝኾነ ሚካኤል ከምፕነር ግን፡ እዚ ሓዲሽ ሕጊ ጌጋ `ዩ ይብል።

“ዝኾነ ፕረዚደንት፡ ዲሞክራት ይኹን ሪፓብሊካን፡ ኣብ ስራሓት`ዚ ኣገዳሲ መራኸቢ ብዙሃን ኣሜሪካ፡ ክፉት ስልጣን ክህልዎ ይብሉን። ናጽነት`ቲ ሚዲያ`ዩ ኣብ ዙርያ ዓለም ተኣምንን ኣድማዕን ዝገብረና፡ ካብኡ ዝተረፈ ግን ተኣማንነት ዝጎደሎ ፕሮፓጋንዳ`ዩ ዝኸውን።”

ገለ ጸብጻባት ሚዲያ`ውን፡ እቲ ሓዲሽ ኣወዳድባ፡ ቪኦኤ ዝርከቦ ኣህጉራዊ ትካላት ፈነወ መንግስቲ፡ ነቲ ዝመጽእ ዘሎ ምሩጽ- ፕረዚደንት ዶናልድ ትራምፕ፡ መሳርሒ ክኾና`የን ይብሉ።

ሕጂ ኣብ ቢቢጂ ዋና ሓላፊ ዘሎ ጆን ላንሲንግ ግን፡ ናጽነት ድምጺ ኣሜሪካን ካልኦትን ሕጂ`ውን ክሕሎ`ዩ ይብል። ናጽነት ድምጺ ኣመሪካ፡ ብቻርተር ድምጺ ኣሜሪካ ዝተሓለወ ምዃኑ `ውን የዘኻኽር- “እቲ ዜና ድምጺ ኣሜሪካ- ትኽክለኛ፡ ሚዛናውን ኣጠቓላሊን “ ዝብል መመርሒ።

ምሉእ ትሕዝቶ ጸብጻብ ኣብዚ ምስማዕ ይክኣል።


XS
SM
MD
LG