ዋሽንግተን —
ኣብ ክፍሊ ሜድትራንያን ሰሜን ኣፍሪቃ፣ ትማሊ ሰሉስ ልዕሊ 4 ሽሕ፣ ሶኑይ ድማ ልዕሊ 6 ሽሕ ስደተኛታት ድሒኖም ኣለው።
ሓላዋ ዶባት ጣልያን ኣብ ዝሃቦ መግለጺ ‘እቶም ስደተኛታት ካብ 33 ጀላቡ ከምዘድሐኑ፣ እተን 27 ካብ ላስቲክ ዝተሰርሓ፣ እታ ሓንቲ ድማ ካብ ዕንጸይቲ ዝተሰርሐት ጀልባ ምኳናን’ ሓቢሩ።ብዘይካ’ዚ፣ ኣብ’ታ ንኣስታት ሓደ ሽሕ መብዛሕተኦም ኤርትራዊያንን ናይጀርያዊንን ዘሳፈረት መርከብ፣ ሰለስተ ደቂ ኣንስትዮ ከምዝሓረሳ ሰበ ስልጣን ጣልያን ገሊጾም። እተን ኣደታትን ሰለስቲኦም ደቀንን፣ ክልተ ኣወዳትን ሓንቲ ጓለንስተይትን፣ ኣብ ደሓን ኩነታት ኣለው።
መብዛሕተኦም ካብዞም ስደተኛታት ካብ ናይጀርያ፣ ኤርትራ፣ ጊኒ፣ ጋምቢያ፣ ሱዳን፣ ኣይቮሪኮስትን ሶማልያን’ዮም።
