ክርከብ ዝኽእል መራኸቢታት

481 ስደተኛታትን ፍልሰተኛታትን ኣብ ወደባዊት ከተማ ባዘሎ ምእታዎም ሓለዋ ባሕሪ ጣልያን ገሊጹ


ሓለዋ ባሕሪ ጣልያን ነዞም ካብ ማእኸላይ ባሕሪ ዝደሓኑ 481 ስደተኛታትን ፍልሰተኛታትን ትማሊ ረቡዕ ናብ ወደባይት ከተማ ባዘሎ ምብጽሖም ይገልጽ። ካብቶም ስደተኛታት 45 ደቂ ኣንስትዮን 62 ድማ ትሕቲ ዕድመ ህጻናት ምኳኖም ተገሊጹ’ሎ።

እቶም ስደተኛታት ኣብ ወደባይት ከተማ ፓዘሎ ኣብ ዝበጽሕሉ እዋን ብመሰረት ካብኣቶም ዝተረኽበ ቃል ምስክርነት ሓሙሽተ ኣብ ዘይሕጋዊ ምስግጋር ሰባት ይነጥፉ ኔሮም ዝተባህሉ ጥርጡራት ውልቀሰባት ኣብ ትሕቲ ቀይዲ ምእታዎም’ውን ተፈሊጡ’ሎ።

እዚ ከምዚ’ሉ ከሎ ሓለዋ ባሕሪ ሊብያ 85 ስደተኛታትን ፍልሰተኛታትን ካብ ገማግም ባሕሪ ከተማ ትሪፖሊ ቀዳም ሓምለ 8,2017 ምድሓኖም ሓቢሮም።

ካብቶም ብህይወት ዝደሓኑ ሸውዓተ ትሕቲ ዕድመ ህጻናት ምኳኖምን ነፍሰጾር አዴታትን ደቂ ኣንስትዮ’ውን ከምዝርኸብዎም ተገሊጹ።

እቶም ስደተኛታትን ፍልሰተኛታትን ተጻዒኖምላ ዝነበረት ጀልባ ኣብ ገማግም ከተማ ጋርቡሊ ዝተረኽበት ኽትኸውን ከላ እታ ከተማ ንብዙሓት ስደተኛታትን ፍልሰተኛታትን መበገሲ ቦታ ምኳና’ውን ሓለዋ ባሕሪሊ ሊብያ ይገልጹ።

ኣብዚ ዓመት’ዚ ጥራይ ልዕሊ 85,000 ስደተኛታት ማእከላይ ባሕሪ ብምቁራጽ ጣልያን በጺሖም’ዮም። ካብዚኦም ክሳብ ሕጂ ዝተፈልጡ 2,150 ኣብቲ ጉዕዞ ህይወቶም ምስ ኣኖም ዓለምለኸ ትካል ስደተኛታት ዓለም ይገልጽ።

መውሃቢ ርእይቶ ኣብ ፈይስቡክ

ኣብዚኣ'ሞ

ዚምባብወ ድሕሪ ሙጋበ ሕጂውን በቲ ገዛኢ ሰልፊ ምሕደርኣ ክቕጽል'ዩ። እዚ ኣብ'ታ ሃገር ዝተራእየ ለውጢ እምበኣር

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG