ተማሃራይ ዩኒቨርሲቲ ዝነበረ ለገሰ ዜናዊ ብከመይ ኣገባብ ኣባል ተሓህት ኮይኑ?

ቀዳማይ ምንስትር መለስ ዜናዊ መን‘ዮም? ምስ ህወሓት ናይ ቀደም ተሓህት ብከመይ ተላልዮምን ኣባል ኮይኖምን? ንዝብሉ ሕቶታት መልሲ ክንረክብ ፈቲና‘ለና።

ንሎሚ ክልተ ኣጋይሽ ዓዲምና ኣዘራሪብናዮም‘ለና።ካብ መስረቲ ተሓህት ሓደ ዝነበሩ ዶ/ር ሃይሉ መንገሻ ተጋሩ ተማሃሮ ዩኒቨርስቲ ኣብ ስሳታት ኣብ ኣዲስ ኣበባ ማሕበር ገስገስቲ ዝብል ከምዝመስረቱን መሰረት ኩሎምን ዳሕረዎት ምንቅስቃሳትን ከምዝነበረን ይዛረቡ።ምስ መንእሰይ ለገሰ ዜናዊ መዓስ ተላሊኹም? ንዝብል ሕቶ‘ውን መልሲ ኣለዎም።

ኣቶ ብስራት ኣማረ ብወገኖም፣ህዝቢ ኢትዮዽያ ብሞት ቀ/ሚ መለስ ዜናዊ ዝተሰመዖ ሓዘን ዝገለፀሉ ኣገባብ፣እቲ ህወሓት/ኢህወደግ ብመሪሕነት ኣቶ መለስ ዜናዊ ዝተቃለሰሉን ዝደኸመሉን ቃልሲ ከምዘፍረየ ስለዝሓበረኒ ተሓጉሰ‘ለኹ ኢሎም።

ስነ-ስርዓት ቀብሪ ኣብ መበል ፶፯ ዓመት ዕድሚኦም ዝዓረፉ ቀ/ሚ መለስ ዜናዊ፣ድሕሪ ፅባሕ ሰንበት ኣብ ቤተ-ክርስትያን ካቴድራል ቅድስት ስላሴ ኣዲስ ኣበባ ክፍፀም‘ዩ።