መዓልታት ሰማእታት ኤርትራ ተዘኪሩ

20 ሰነ መዓልቲ ሰማእታት ኤርትራ፡ ሎሚ ኣብ መላእ ሃገር ብዝተፈላለዩ መደባት ተዘኪራ። ኣብቲ ኣብ መካነ መቓብር ሓርበኛታት ኣስመራ ዝተኻየደ ስነ-ስርዓት፡ ፕረዚደንት ኢሳይያስ ኣፈወርቂ ኣኽሊል ዕንባባ ኣንቢሩ።

ኣብቲ ኣጋጣሚ ላዕለዎት ሰብ-መዚ መንግስቲ፡ ስድራቤት ስዉኣትን ዲፕሎማትን ተረኺቦም ነይሮም።

ብቕንያቱ፡ ነቲ ዝኽሪ ዝምልከት በበይኑ መደባት ምሕጋዝ ስድራቤት ስዉኣት፡ ምብራህ ሽምዓ፡ ምትካል ፈልሲን ዝኣመሰሉ ንጥፈታት ክካይዱ ቀንዮም ኣለዉ። ትማሊ ረቡዕ 19 ሰነ’ውን ኣብ ኣብያተ-ክርስትያንን መሳጊድን ጸሎተ-ፍትሓትን ዱዓን ተኻዪዱ ኣሎ።

ቅድሚ ሽዱሽተ ዓመት ኣብ ተመሳሳሊ ኣጋጣሚ ፕረዚደንት ኢሳይያስ ፍሉይ ጉጅለ ናብ ኢትዮጵያ ክልእኽ ምዃኑ ዘመልከተሉ ዕለት ምንባሩ ይዝከር።