ክርከብ ዝኽእል መራኸቢታት

ኢትዮጵያዊ ጋዜጠኛን ደራሲን ማሞ ውድነህ ዓሪፉ


ስነ-ስርዓት ቀብሩ ፅባሕ ቀዳም ኣብ ኣዲስ ኣበባ ክፍፀም'ዩ

ፍሉጥ ጋዜጠኛን ደራሲን ማሞ ውድነህ፣ሎሚ ኣብ መበል 77 ዓመት ዕድሚኡ ኣብ ኣዲስ ኣበባ ዓሪፉ።

ደራሲ ማሞ ውድነህ፣ኣብ ሙሉእ ዕድሚኡ 53 መፃሕፍትን 8 ንትያትር ዝኾኑ ድርሰትን ዝፃሓፈ‘ውን እዩ።ካብ ሞንጎ ንሱ ዘዳለወን መፃሕፍቲ ገሊኤን፣የኛ-ሰው በደማስቆ፣የበረሃው ተኩላን የካይሮው ጀሮ ጠቢን ዝብሉ ይርከብዎም።

መባእታዊ ቤ/ትምህርቲ ድሒሩ ዝጀመረ ኣቶ ማሞ ውድነህ፣ስሩዕ ትምህርቲ ከይፈፀመ‘ዩ ናብ ሞያዊ መደባት ከምዝተፀምበረን፣ኣብ ጋዜጣታት ፖሊስና እርምጃው፣ ህብረትን የዛሬዪቱ ኢትዮዽያን ሰሪሑ‘ዩ።

ደራሲ ማሞ ውድነህ፣ድሕሪ ውድቀት ሃፀይ ሃይለ-ስላሴ፣ኣብ ኣስመራ ሓላፊ ክፍሊ ፕረስ ኢትዮዽያ ኮይኑ‘ውን የገልግል ነይሩ።ብዘይካ‘ዚ ኣቦ-መንበር ማሕበር ጋዜጠኛታት ኢትዮዽያ ኮይኑ ዝሰርሐን ብርክት ዝበሉ ሽልማታት ዝተቀበለን ፍሉጥ ሰብ‘ዩ ነይሩ።

ወለዲ ማሞ ውድነህ፣ኣብ እዋን ሓሙሽተ ዓመታት ወረራ ጣልያን ብደብዳብ ነፈርቲ ከምዝተቀትሉ ዝረኸብናዮ ዜና ይሕብር።

ስነ-ስርዓት ቀብሪ ደራሲን ጋዜጠኛን ማሞ ውድነህ ፅባሕ ኣብ ኣዲስ ኣበባ ክፍፀም‘ዩ።

ኣብዚኣ'ሞ

ኣብዚኣ'ሞ! ብመሰረት ክወሃብ ዝጸንሐ ሓበሬታታት ኤርትራ ኣብ ጉዳይ ሶማል ዝጸንሓ መርገጺ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG