ክርከብ ዝኽእል መራኸቢታት

ሓለዋ ባሕሪ ሊብያ 266 ስደተኛታት ካብ ማእኸላይ ባሕሪ ምድሓኖም ገሊጾም


ሓለዋ ባሕሪ ሊብያ ትማሊን ሎሚ ሶሉስ 266 ስደተኛታት ካብ ገማግም ባሕሪ ትሪፖሊ ምድሓኖም ገሊጾም።

ሓደ ካብቶም ስደተኛታት ሞተረ እታ ተጻዒኖምላ ዝነበረ ጀልባ ምብልሻውን መሓበሪ መዓዝን’ውን ይሰርሕ ከምዘይነበረ ኣብ ከምዚ ህሞት ከለው ሓለዋ ባሕሪ ሊብያ ናብ ዘለውዎ ቦታ ከምዝመጹን ናብ መደበር ሓይሊ ባሕሪ ሊብያ ከተማ ትሪፖሊ ከምዝወሰድዎም ይገልጽ።

እታ እቶም ስደተኛታት ተጻዒኖምላ ዝነበረት ጀልባ ናብ ደቡባዊ ኢጣልያ ተምርሕ ከምዝነበረትን መብዛሕትኦም እቶም ስደተኛታት ኣፍሪቃዊያን ምኳኖም ካብኦም ሸሞንተ ደቂ ኣንስትዮ ምኳነን ተገሊጹ’ሎ።

ኣብ ስርሓት ህይወት ኣድሕን ዝነጥፉ ሶፍያን ኣል ሳዋስ ኩሎም ኣቶም ስደተኛታት ናይ ህክምና ረድኤት ከምዝተገብረሎምን ንሰበ ስልጣን ሊብያ ከምተረኸቡ ይገልጹ።

እዚ ወርሓት ክረምቲ ብዙሓት ስደተኛታት ማእኸላይ ባሕሪ ብምቁራጽ ናብ ደቡባዊ ኣውሮጳ ዝጉዓዘሉ እዋን ምኳኑ ይፍለጥ።

መውሃቢ ርእይቶ ኣብ ፈይስቡክ

ኣብዚኣ'ሞ

ኣብዚኣሞ! ንዓመተ 2017 ኣብ ግጥማት ፕሪምየር ሊግ ብብዝሒ ሸቶ ብምምዝጋብ ዝፋነዋ ዘሎ ተጻዋታይ መን ይበሃል?

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG