`ብሓዳስ ዜማይ ጌረ ናፍቖተይን ሃለዋተይን ከፍልጥ ደልየ` ካሕሳይ በርሀ

ናፊቖም ኢለ ወይ ጸሚዩዎም ኢለ እደርፍ ኔረ`ምበር ጸሚዩኒ ኣይፈልጥን`ዩ ዝበለ ካሕሳይ በርሀ፡ ሎሚ ግን ናፊቐ ኢለ እደርፍ ኣለኹ ይብል። ብምቕጻል ምስ ጽምዋን ናፍቖትን ምስተራጸምኩ ቀልጢፉ ናብ ህዝቢ ክበጽሓለይ ደልየ ኢሉ።

ኣስዒቡ “ክህብትም ኣይደልን`የ ምኽንያቱ ኣብ ፍቕሪ ክነብር ስለዝደሊ፡ እንዳመቻኣካን እንዳጠዓመካን እንተኸይዱ ሓጎልካ እናሰብሐ ስለዝኸይድ ኣይትምህዝን ኢኻ ማለት`ዩ” ይብል።

እቲ ሲዲ ምውጻእ ሓደ መስርሕ`ዩ ምኽንያቱ ወላ ተጸሊኡካ ኸሎ ትፍትን ኢኻ፡ እታ ቀንዲ ነዛ ሲዲ`ዚኣ ከውጽእ ዘበገሰኒ ግና ሓበረታ ንምሃብ`ዩ፡ ምስቲ ብጉዳይ ጥዕናይ ሰብ ተሻቒልዎ ዝነበረ፡ ኣለኹ ኣብደሓን ኩነታት ኣለኹ ንምባል`ውን`ዩ በለ ካሕሳይ በርሀ። ኣተሓሒዙ “ድሕሪ ዕዉት ኦፐረሽን ምግባረይ ሕጂ ሳላ ጸሎት ደቀይን ጸሎት ኩሎም ፈተውተይን ጥዕናይ ጽቡቕ ኣለኹ” ክብለ ኣፍሊጡ። ምስ ተወልደ ወልደገብሬል ዝገበሮ ዕላል ንብምልኡ ንምስማዕ ኣብቲ ምልክት ድምጺ ጠውቑ.