ወትሃደራት እስራኤል ንከተማ ካን ዩኒስ ይጽግዑ

ሰራዊት እስራኤል፣ ትኹረቱ ኣብ ደቡባዊ ዞባ ቓዛ ኣብ ዝገበረሉ እዋን ዓለምለኸ ትካላት ረድኤት ብወገኖም ሰላማዊያን ሰባት፣ ካብ’ቲ ግጭት ዝሃድምሉ መውጽኢ ይስእኑ ኣለው ይብሉ።

ነፈርቲ ውግእ እስራኤል ንደቡባዊ ቓዛ ኣብ ዝድብድባሉ ሰዓት፣ ኣጋር ሰራዊት እስራኤል ድማ ነታ ኣብ ቃዛ ካልአይቲ ዓባይ ከተማ ዝኾነት ካን ዩኒስ ተጸጊዖማ ኣለው።

ወትሃደራት እስራኤል ንገለ ዞባታት ከተማ ካን ዩኒስ ናብ ደቡባዊ ገጽ እታ ከተማ ንክወጹ ኣብ ምጥንቃቅ ይርከቡ።

እስራኤል ኣብ ልዕሊ ቓዛ ፈለማ መጥቃዕቲ ኣብ ዝጀመረትሉ እዋን፣ ብርክት ዝበሉ ነበርቲ ናብ ደቡባዊ ገጽ እታ ከተማ ምህዳሞም ይፍለጥ እዩ።