ዋሽንግተን —
ትማሊ ሶሉስ ዝተኻየደ መባእታዊ ምርጫ፡ ነቶም ከካብ ፓርቲታቶም ዝመርሑ ዘለዉ ዶናልድ ትሩምፕን ሂላሪ ክሊንተንን ዓቢይ ዓወት`ዩ ኔሩ። ሪፓብሊካን ዶናልድ ትራምፕ፡ ኣብ ክፍለ-ግዝኣታት ፍሎሪዳ፡ ኖርዝ ኮረላይናን ኢሎኖይን፡ ምናልባት`ውን ኣብ ክፍለ-ግዝኣት ሚዙሪ ተዓዊቱ`ሎ። ኣብ`ታ ኣገዳሲት ትብሃል ኦሃዮ፡ ጆን ካሲች እንተዘይዕወት፡ ዳርጋ ንፓርቲ ሪፓብሊካን ወኪሉ ንምርጫ ፕረዝደንት ዝርቛሕ ምዃኑ ርጉጽ ምኾነ ኔሩ።
ዓወታት ሂላሪ ክሊንተን`ውን ካብ ሰነተር በርኒ ሳንደርስ ንዘለዎ መሪሕነት ኣግፊሕዎ`ሎ።
ኣምሃ ሃብተማርያም፡ ናይ ሕጊ ምሁር ኮይኑ፡ ኣብ ጥብቅና ኢሚግረሽን የተኩር። ብዛዕባ ውጽኢት ምርጫ ትማሊ ሶሉስን ተተሓሓዚ ኣርእስትን ገምጋሙ ይህብ።
ምሉእ ትሕዝቶ ቃለ-መጠይቕ ኣብዚ ምስማዕ ይክኣል።
