ክርከብ ዝኽእል መራኸቢታት

ዓለምለኸ ቤት ፍርዲ ገበን ምውጻእ ሃገራት ኣፍሪቃ ከምዘሻቐሎ ሓቢሩ

  • ቪኦኤ ዜና
  • ተወልደ ወልደገብረኤል

ዓለምለኸ ቤት ፍርዲ ገበን - ዘ ሄግ

ኣብ ሄግ ዝመደበሩ ዓለምለከ ቤት ፍርዲ ገበን ብተኸታታሊ ሓዲገንኦ ብዝኸዳ ዘለዋ ሃገራት ኣፍሪቃ ኣብ ሻቕሎት ተሸሚሙ ይርከብ። ኣብ`ዚ ሰሙን`ዚ ድማ፡ ካልእ ፈላሚት ኣባል ዝነበረት ሩስያ፡ ወጺኣ`ላ፡ ፍሊፕኒስ`ውን ክትስዕብ ትኽእል`ያ ይብሃል ኣሎ።

ሰለስተ ሃገራት ኣፍሪቃ ማለት ደቡብ ኣፍሪቃ፡ብሩንዲ፡ ጋምቢያ ካብቲ ቤት ፍርዲ ከምዝወጻ ኣመላኺተን ኣለዋ። እዘን ሃገራት እቲ ቤት ፍርዲ፡ ብዘይግቡእ ንሃገራት ኣፍሪቃ ዒላማ ዝገበረ`ዩ ዝብል`ዩ ንኽወጻ ከምዝወሰና ሓቢረን። ኣብ ዩኒቨርሲቲ ሎንደን ኣብ ክፍሊ መጽናዕቲ ኣፍሪቃ ዝሰርሕ ፊል ክላርክ፡ ብዛዕባ ኣይሲሲ፡ ኣብ ዙርያ ኣፍሪቃ ዘሎ ስምዒት ይገልጽ።

" ኣህጉራውያን ተዋሳእቲ ብዛዕባ ንኣፍሪቃ ኣብ ዘገድስ ጉዳያት ዝገብርዎ ምትእትታው፡ ኣብ ሃገራት ኣፍሪቃ፡ ዓቢይ ስኽፍታታት ይፈጥር ኣሎ።”

ካብ ኣፍሪቃ ወጻኢ`ውን መራሒ ሩስያ ላድሚር ፑትን፡ ሃገሩ ካብ ውዕል ኣህጉራዊ ቤትፍርዲ ገበናት ኣብ`ዚ ሰሙን`ዚ ኣውጺእዋ`ሎ።

ናይ ፍሊጵንስ መዘንኡ ብወገኑ ዝሓለፈ ሓሙስ ክዛረብ ከሎ፡ ፡ “እቶም ነእሽቱ ጥራሕ ኢና ንጥቃዕ ዘለና” ብምባል ኣሰር ሞስኮ ከምዝኽተል ኣሚቱ`ሎ።

ዋና ዓቃቢ-ሕጊ እቲ ቤት ፍርዲ ፋቱዋ በንሱዋዳ ግን፡ ብዛዕባ ዝፍጸም ገበናት ኢና ዝያዳ ክንሻቐል ዝግባእ ክትብል፡ ኣብ`ዚ ሰሙን`ዚ ንስራሕ ኣይሲሲ ተጣቢቓ`ላ።

" ከም ኣህጉራዊ ማሕበረሰብ መጠን፡ ንዝፍጸሙ ከበድቲ ግፍዕታትን ገበናትን ብዝምልከት፡ ብዛዕባ ምርግጋጽ ተሓታታትነትን ፍትሕን ዝያዳ ክንግደስ ይግባእ።”

ተንታኒ መጽናዕቲ ኣፍሪቃ ፊል ክላርክ ብወገኑ፡ ገለ ሃገራት ኣፍሪቃ ካብ ኣባልነት`ቲ ቤት ፍርዲ ኣብዝወጻሉ እዋን፡ ገለ ካልኦት ድማ ምስ`ቲ ኣህጉራዊ ቤት ፍርዲ ቀጥታዊ ጽምዶ የካይዳ ኣለዋ ይብል።

ኣይሲሲ ማለት ኣህጉራዊ ቤት ፍርዲ ፡ ካብ ኣፍሪቃ ወጻኢ ፈላማይ ዓቢይ ዝብሃል መርመራ ጀሚሩ`ሎ፡ ኣብ እዋን ግጭት ሩስያን ጆርጅያን፡ ገበናት ኩናት ተፈጺሙ እንተኾይኑ ከምኡ`ውን ኣብ ኣፍጋኒስታን፡ ብወተሃደራት ኣመሪካን ብሪጣንያን፡ መስቀይቲ ተፈጺሙ እንተኾይኑ ክምርምር ይደሊ`ሎ።

እንተኾነ፡ ኣመሪካ ፈራሚት ኣባል ናይ`ቲ ኣህጉራዊ ቤትፍርዲ ገበናት ስለዘይኮነት፡ እቲ ኣብ ልዕሊ ዜጋታታ ዝለዓል ክስታት ዝዕወት ኣይመስልን።ብዝኾነ ግን ተንተንቲ ብርክት ዝበላ ሃገራት ብተኸታታሊ ካብ ኣይሲሲ ምውጽአን፡ እቲ ኣህጉራዊ መጋባእያ ገበናት ከም ዓለማዊ ትካል-ፍትሒ ዝርኣየሉ ዕድል ኣብቂዑ`ዩ ዝብል ርእይቶ ኣልዒሉ`ሎ ይብሉ።

ምሉእ ትሕዝቶ ኣብዚ ምስማዕ ይከአል።


ኣብዚኣ'ሞ

ኣብዚኣ'ሞ! ብመሰረት ክወሃብ ዝጸንሐ ሓበሬታታት ኤርትራ ኣብ ጉዳይ ሶማል ዝጸንሓ መርገጺ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG