ቀ/ሚ ህንዲ ናይ ክልተ መዓልታት ምብጻሕ ንምፍጻም ሩስያ ኣትዮም

ቀ/ሚ ህንዲ ነረንድራ ሙዲ ምስ ፕረዚደንት ሩስያ ቭላድሚር ፑትን ንምዝርራብን ናይ ክልተ መዓልታት ዑደት ንምፍጻምን ትማሊ ሓሙስ ኣብ ሩስያ ኣትዮም።

ሩስያ ካብ ዝሑል ኵናት ኣትሒዛ ምስ ህንዲ ስጡም ዝምድና ኣለዋ። ሩስያ ሰራዊታ ናብ ዩክሬን ድሕሪ ምውፋራ ኣብ ዘሎ እዋን ህንዲ ዋና መሻርኽቲ ንግዲ ሩስያ ኮይና ጸኒሓ'ላ።

ኣመሪካን መሻርኽታን ኣብ ልዕሊ መሸጣ ነዳዲ ሩስያ እገዳ ድሕሪ ምንባሮም ቻይናን ህንዲን ቀንዲ ዓደግቲ ነዳዲ ካብ ሩስያ እየን።

ቀ/ሚ ሙዲ ዝመርሕዋ ህንዲ ንተግባር ሩስያ ኣብ ዩክሬን ኣይኮነነትን፣ ሰላማዊ መዕለቢ ክግበረሉ ግን ክትጽውዕ ጸኒሓ'ላ።