ኣብ ዓመታዊ ንግደት ሂንዱ ብዘጋጠመ ምጽቕቓጥ ብውሑዱ 30 ሰባት ሞይቶም

ዝተሓደሰ--ኣብ ሰሜናዊ ወገን ህንዲ ኣብ ዝብዓል፡ ንግደት ኣመንቲ ሂንዱ ኣብ ዝዀነ ማሃ-ኩማህ ብዝተፈጥረ ጽቕጥቅጥ ብውሑዱ 30 ሰባት ምማቶም፡ 90 ድማ ምቝሳሎም ሮይተርስ ሓቢሩ።

እቲ ሓደጋ፡ ነጋድያን ናብቲ ቅዱስ ዝብሃል ፈለግ ንምዝላል ሓጹር ፈንጢሶም ክሓልፉ ኣብ ዝተፈተንሉ እዋን’ዩ ኣጋጢሙ።

ኣብቲ ጽቕጥቅጥ ዓሰርተታት’ውን ቆሲሎም ኣለዉ። ብዝሒ ምዉታት ክውስኽ ከም ዝኽእል እቲ ጸብጻብ ይጠቅስ።

ኣብቲ ሎሚ ረቡዕ ዝጀመረን ንሓደ ሰሙንን ዝቕጽል ንግደት ክሳብ 100 ሚልዮን በጻሕቲ ክመጽኡ ከም ዝኽእሉ ሰብ-መዚ እታ ኣውራጃ ኣመልኪቶም።

ብመሰረት ጸብጻብ ሮይተርስ ንግደት ማሃ-ኩማህ ኣብ ነፍሲ-ወከፍ 12 ዓመታት ይዝከር።

ዝሓለፈ እዋን፡ ኣብ 2013፡ ኣብዚ ሃይማኖታዊ ንግደት ብውሑዱ 40 ምማቶም ይዝከር።

**ኣቐዲሙ ብሮይተርስ ብዝሒ ምዉታት 40 ተባሂሉ ዝነበረ ናብ 30 ተኣሪሙ ኣሎ።