ማዕከን ገንዘብ ዓለም ቁጠባ ገለ ሃገራት ኣፍሪቃ ንምርግጋእ ይሰርሕ ከምዘሎ ኣፍሊጡ

ማዕከን ገንዘብ ዓለም፡ ቁጠባዊ ኩነታተን ንምርግጋእ ምስ ብርክት ዝበላ ሃገራት ኣፍሪቃ ይሰርሕ ኣለኹ ይብል። ወሃቢት ቃል እቲ ማዕከን ጁሊ ኮዛክ ትማሊ ሓሙስ ንሪፖርተራት ክትገልጽ ከላ፡ ካብ መንጎ`ተን ገንዘብ ዝሓታ ዘለዋ ሃገራት ሓንቲ ዝኾነት ጋና ናይ 3-ቢልየን ለቓሕ ሓቲታ ከም ዘላ ኣፍሊጣ። እንተኾነ ንክፍቀደላ እቲ ዘለዋ ናይ 47-ቢልየን ዶላር ዕዳ ብኸመይ ከምተመሓድሮ ክርኣይ ምዃኑ ትካል ገንዘብ ዓለም (ኣይ.ኤም.ኤፍ) ኣፍሊጡ`ሎ።

ብኻልእ ወገን ትካል ገንዘብ ዓለም ኣብ ኢትዮጵያ ኣብ መንጎ መንግስትን ናይ ክልል ትግራይ ተቓወምቲን ድሕሪ ዝተገብረ ስምምዕ ሰላም፡ ምስ ማዕከን ገንዘብ ንዝግበር ስምምዕ ዓብይ ተስፋ ሂቡ`ሎ ይብል።

ወሃቢት ቃል ማዕከን ገንዘብ ዓለም “ኣብ ኢትዮጵያ ነባሪ ሰላም ንንምስፋን ዝርአ ዘሎ ገስጋስን፡ ኣብ ክልል ትግራይ ሰብኣዊ ሓገዛት ይኣቱ ምህላዉን ዘተባብዕ`ዩ ዝበለ ኣይ.ኤም.ኤፍ፡ ንኢትዮጵያ ንምሕጋዝ ኣብ ዝርርብ ንርከብ። ገንዘባዊ ሓገዝ ተሓቲትና ኣለና፡ ነቲ ኣብ መስርሕ ኣብ ምስላጥ ድማ ንሰርሕ ኣለና" ኢላ።