ዋሽንግተን ዲሲ —
አብ ኣዲስ ኣበባ ኣብ ሂልተን ሆቴል ሎሚ ረቡዕ ኣብ ዝተፈጸመ ስነስርዓት ፊርማ ላዕለዋይ ብዓል ስልጣን ሂልተን-ዓለምለኸ ፓትሪክ ፊልስጊበን ናይዚ ሆቴል ህንጸት ሓደ ዓብዪ ምዕራፍ እዩ ኢሎምዎ።
‘’ዓለምለኸ ሸቶና ንኹሎም ናይ ዓለም ተጎዓዝቲ ናይ መጀምሪያ ምርጫ ምዃን እዩ’’ ዝበሉ ንሶም ብምስዓብ ‘’ናይ መጀመሪያ ምርጫ ንምዃን ድማ እዞም ተጎዓዝቲ ናብ ዝገሽሎም ቦታታት ሆቴላት ክህልው ከለው እዩ’’ኢሎም።
ነቲ ህንጻ ዝሰርሖ ሰንሻይን ቢዝነስ ሓላፍነቱ ዝተወሰነ ናይ ውልቂ ኩባኒያ እዩ።ናይቲ ትካል ፕሬዝዳንት ዝኾኑ ኣቶ ሳሙኤል ታፈሰ ምስዚ ውሩይ ተቋም ምስርሖም ዝተሰምዖም ሓጎስ ብምግላጽ ነቲ ስራሕ ብዝለዓለ ብቕዓት ከምዝፍጽምዎ ገሊጾም ኣለው።
