መራሒ ሕዝቦላሕ ንእስራኤል የጠንቅቕ

መራሒ ሕዝቦላህ ሓሰን ናስራላህ ጉጅልኡ ምስ እስራኤል ዘለዎ ግጭት ናብ ሓዲሽ ምዕራፍ ተሰጋጊሩ'ሎ ክብል ኣጠንቂቑ።

ሓሰን ናስራላህ ነዚ መጠንቀቕታ ዘቕረበ፡ ላዕላዋይ ኣዛዚ ሕዝቦላህ ፎኣድ ሹኩር ኣብ በይሩት፡ ከምኡ ድማ ፖለቲካዊ መራሒ ሓማስ ኢስማዒል ሓንየ ኣብ ቴህራን ድሕሪ ምቕታሎም `ዩ።

ኣብ ስነ-ስርዓት ቀብሪ ሺኩር ዝተዛረበ ናስራላህ፡ ምስ እስራኤል ዘለና ግጭት ናብ ሓዲሽ መድረኽ ተሰጋጊሩ'ሎ ዝብል መጠንቀቕታ ኣስሚዑ'ሎ።

ኢራን ኣንጻር ኣብ መሬታ ዝተፈጸመ ቅትለት መራሒ ሓማስ ፡ ሕነ ከም እትፈዲ ኣፍሊጣ`ያ። እቲ መጥቃዕቲ ብእስራኤል ተፈጺሙ ተባሂሉ'ዩ ይእመን። ቅትለት መራሒ ሓማስ ኣብ ኢራን ምፍጻሙ- ዝሰፍሐ ዞባዊ ኵናት ከይውልዕ ተሰጊኡ'ሎ።