ክርከብ ዝኽእል መራኸቢታት

መራሒ ጫድ ነበር ሓሰን ሃብረ ንነፍስወከፍ ግዳይ መሪሕነቱ 33 ሽሕ ዶላር ክኽሕስ ተበይኑ


ውልቀመላኺ መራሒ ጫድ ዝነበረ ሓሰን ሃብረ: ንነፍስወከፍ ግዳይ ገበን ኣንጻር ሰብኣውነት ዝገበሮም ከሰስቱ 33 ሽሕ ዶላር ክኽሕስ ወሳነ ቤት ፍርዲ ተመሓላሊፉ።

እዚ ውሳነ ካሕሳ ዝተመሓላለፈ: ሕብረት ኣፍሪቃ ብዘቖሞ ፍሉይ ቤት ፍርዲ ክኸውን እንከሎ፤ ጾታዊ ዓመጽ ንዝተፈጸሞም: ብዘይ ምኽንያት ንዝተሰወሩን ዝተዳጎኑን ግዳያቱ ዝውዕል ከምዝኾነ ድማ ብተወሳኺ ተሓቢሩ።

ነቲ ውሳነ ዘመሓላለፈ ተወላዲ ቡርኪናፋሶ ዝኾነ ዳኛ ግበርዳኦ ጉስታቭ ካም: ካሕሳ ዝግብኦም ግዳያት ሓሰን ሃብረ ቁጽሮም ክንደይ ከምዝበጽሑ ኣይጠቐሰን።

ይኹንምበር: ጃኩሊን ሞውደይና ዝተባህለት ጠበቓ ናይቶም ካብ 1982 ክሳብ 1990 ኣብ እዋን መሪሕነት ሓሰን ሃብረ ናይ 4733 ግዳያት ክስታት ምህላዎም ኣፍሊጣ። ንሳ ብተወሳኺ: ካብዚኣቶም እቶም ዝበዝሑ ቀጥታዊ ግዳያት ማለት ዝተኣስሩን ካብ ኣብያተ ማእሰርቲ ሃዲሞም ዘምለጡን ምዃኖም ንጋዜጠኛታት ሓቢራ።

ብመሰረት ሓበሬታ ዳኛ እቲ ፍሉይ ቤት ፍርዲ ግበርዳኦ ጉስታቭ ካም: ግዳያት ጾታዊ ዓመጽ ዝለዓለ ክፍሊት ካሕሳ ከምዝወሃቦም ተገሊጹ።

ሓሰን ሃብረ: ሕብረት ኣፍሪቃ ኣብ ልዕሊ ውልቀመላኺ ነይሩን ንህዝቡ ድማ ኣበሳቢሱን ኢሉ ክሲ ገበናት ኣንጻር ሰብኣውነት መስሪቱ ኣብ ቤት ፍርዲ ዘቕረቦ ናይ ፈለማ መራሒ ኣፍሪቃዊት ሃገር ዝነበረ'ዩ። ። ብመሰረት ኣቐዲሙ ዝተዋህበ ውሳነ ሓሰን ሓብረ ንሕልፈት ክእሰርዩ ተፈሪዱ።

ኣብዚኣ'ሞ

ኣብዚኣ'ሞ! ብመሰረት ክወሃብ ዝጸንሐ ሓበሬታታት ኤርትራ ኣብ ጉዳይ ሶማል ዝጸንሓ መርገጺ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG