ኣብ ቤት ትምህርቲ ሳዕስዒት ዓዲ-እንግሊዝ 3 ኣዋልድ ብኻራ ተቐቲለን፡ 10 ቆሲለን

ኣብ ሰሜናዊ ምዕራብ ዓዲ-እንግሊዝ ኣብ ሓደ ናይ ሳዕስዒትን ዮጋን መምሃሪ ክፍሊ፡ ሓደ ወዲ-17 ዓመት መንእሰይ ብዝፈጸሞ መጥቃዕቲ ካራ ንሰለስት ኣዋልድ ቀቲሉ ንኻልኦት ዓሰርተ ድማ ብኸቢድ ኣቝሲሉ። እተን ዝሞታ ኣዋልድ ኣብ መንጎ ዕድማ 6ን 9 ዓመት ዝርከባ’የን።

በቲ ናይ ካራ ማህረምቲ ካልኦት ሸሞንተ ቆልዑን ክልተ ዓበይቲ ሰባትን’ውን ሕክምናዊ ረዲኤት ይግበረሎም ኣሎ። ካብ መንጎኦም እቶም ሽዱሽተ ብጽኑዕ ዝቖሰላ’የን።

እቲ ናይ ሳዕስዒት ትምህርቲ ንቅዲ ሙዚቀኛ ተይለር ስዊፍት ዝደግም ምንባሩ ተፈሊጡ ኣሎ። እታ ድምጻዊት በቲ ኣጋጣሚ ዝተሰምዓ ሓዘን ኣብ ማሕበራዊ ገጻት ኣካፊላ ኣላ።

ፖሊስ ንምኽንያት ናይቲ ጃማላዊ ማህረምቲ ይምርምሩ ኣለዉ። ኣብ ትሕቲ ቍጽጽር ፖሊስ ዝርከብ ሃራሚ፡ ምናልባት ተሓባበርቲ እንተለዎን ካልእ ሽበራዊ ተግባራት ከይከውንን ኣብ ምጽራይ ይርከቡ።

ኣብ ዓዲ-እንግሊዝ ብኻራ ጌርካ ምቕታል ካብቶም ኣዝዮም ዝውቱራት ተግባራት ኰይኖም፡ ብዛዕባ’ዚ ልምዲ’ዚ መንግስቲ ስጕምቲ ክወስድ ተደጋጋሚ ምሕጽንታ ክቐርብ ጸኒሑ’ዩ።