ክርከብ ዝኽእል መራኸቢታት

ዋና ፀሓፊ ሸውዓተ ግንቦት ኣቶ ኣንዳርጋቸው ፅጌ ኣብ የመን ከምዝተታሓዙ ተፈሊጡ።

ሸውዓተ ግንቦት ኣብ መግለፂኡ ኣቶ ኣንዳርጋቸው ዝሓለፈ ሰሙን ከምዝተኣሰሩ ይሕብር።

ኣቦ መንበር‘ቲ ውድብ ዶ/ር ብርሃኑ ነጋ ንቪኦኤ ኣብ ዝሃብዎ ቃል፣ ኣቶ ኣንዳርጋቸው ካብ ዱባይ ናብ የመን ብመንገዲ ኣየር የመን ኣብ ዝኣተውሉን ናብ ሳልሳይ ሃገር ንምስጋር ይፅበይሉ ኣብ ዝነበሩሉ ሰዓት ብሓይልታት የመን ከምዝተታሓዙ ጠቂሶም።

ሰበ-ስልጣን የመን ስለምንታይ ነቲ ስጉምቲ ከምዝወሰዱ ዝፍለጥ ነገር የለን ዝበሉ እቶም ኣቦ-መንበር ምጥሓስ ውዕል ጀኔቫ‘ዩ ኢሎም።

ኣቶ ኣንዳርጋተው ፅጌ ናብ ኢትዮዽያ ሓሊፉ ክዋሃብ ይኽእል‘ዩ ዝብል ስግኣት ከምዘለዎም ግን ተወሳኺ ሓበሬታ ንምሃብ ከምዘይደልዩ ዶ/ር ብርሃኑ ነጋ ሓቢሮም።

XS
SM
MD
LG