ክርከብ ዝኽእል መራኸቢታት

ኣብ እዋን ካልኣይ ኩናት ዓለም ብናይ ብሪጣንያ ሓይሊ ኣየር ኣብ ጀርመን ዝተሰንደወ ግዙፍ ነታጕ ኣብ ከተማ ፍራንክፈርት ጀርመን ምምካኑ ተገሊጹ።

ሰብ ሞያ እቲ ነታጕ ካብ ዝተረኽበሉ ከባቢ ዝነብሩ ዝነበሩ ኣስታት 65,000 ሰባት ካብቲ ቦታ ምግዓዞም’ውን ሓቢሮም።

ሓደ ካብቶም ሰብ ሞያ ዲተር ስዋንቲዝለር “ ኩሉ ነገር ብዘይ ጸገም እዩ ተወዲኡ። ካብ ሰዓታት ወጋሕቲ ጀሚርና ኣብቲ ቦታ ኔርና። እቲ ጸቕጢ ልዑል ኔሩ እንተኾነ ሓንሳብ ክንሰርሕ ምስ ጀመርና ግን ንኩሉ ረሲዕናዮ። ኩሉ ነገር ድማ ብጽቡቕ ተዛዚሙ” ኢሉ።

እዚ 1.4 ቶን ዝኽብደቱ ነታጕ ካልኣይ ኩናት ዓለም ሓደገኛን ንምምካኑ ኣጸጋሚ ምኳኑን እቶም ሰብ ሞያ ይገልጹ።

ሰብ ሞያ ብተወሳኺ ምምካን እቲ ነታጕ ብዓወት እንተዘይውዳእ ዝነበረ ዓብይ ጉድኣት መውረደ ኔሩ ይብሉ።


መውሃቢ ርእይቶ ኣብ ፈይስቡክ

ኣብዚኣ'ሞ

ኣብዚኣ'ሞ! ብመሰረት ክወሃብ ዝጸንሐ ሓበሬታታት ኤርትራ ኣብ ጉዳይ ሶማል ዝጸንሓ መርገጺ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG